mun masih keneh aya waktu

samasih keneh silalatu can jadi lebu, kuring bakal terus makalangan,
nandangan mangrebu serangan nu ngahaja datang kana ieu dada.

mamang, rebuan mangsa nu kaliwatan bakal ngaguratkeun rasa kuring
nu masih tetep nyimpen ngaran anjeun. dina ieu taneh,
dina ieu pakalangan

tenjo ku anjeun, mamang. runggunukna haur di wetaneun pawon
bakal jadi saksi, yen kuring masih bakal nyepeng ieu kujang nepikeun
ka wates ahir ieu hirup
: du`a anjeun katampi dina jero ati.